Yol nəqliyyat hadisə zamanı dünyasının dəyişən tələbənin atası polisə müraciət edərək qəza zamanı oğlunun boyunbağısının və mobil telefonun oğurlandığını bildirib.

Miq.az musavat.com-a istinadən xəbər verir ki, Bakı şəhər sakini 1960-cı il təvəllüdlü Alim Bəynişan oğlu Babayev polisə ərizə ilə müraciət edərək bildirib ki, yol nəqliyyat hadisəsi zamanı vəfat etmiş oğlu, 1985-ci il təvəllüdlü Kamranın üzərində olan gümüş boyunbağı və mobil telefonu 1992-ci il təvəllüdlü Yaşar Əlişir oğlu Abdullayev oğurlayıb.

Səbail Rayon Polis İdarəsinin 41-ci Polis Bölməsində faktla bağlı araşdırma aparılır.

Qeyd edək ki, 2015-ci ilin sentyabr ayında Bakı Dövlət Universitetinin birinci kurs tələbəsi Kamran Babayev Badamdar şosesi ilə 20-ci sahə istiqamətində hərəkətdə olan "Mitsubishi Pajero-İo" markalı, 99 FJ 658 dövlət nömrə nişanlı avtomobili ilə idarəetməni itirərək qəza törətmişdi. K.Babayev hadisə yerində dünyasını dəyişmiş, sərnişin Tağıyev Vüqar İlham oğlu isə xəsarət almışdı.