Yunus Oğuz-Vətən!

Səni sevməyəcək hər yoldan ötən
Birisi pul  kimi baxacaq sənə
Birisi qul kimi baxacaq sənə
Ürəyi yaralı, Vətən sevdalı
Sənə Vətən kimi baxacaq Vətən!
Səni sevməyəcək hər yoldan ötən.

Yaratdığın sədd, divarı
həsrətim kor etdi
yandırdı keçdi
Bu həsrət olmadı
Bu sevgi olmadı
Bu eşq oldu ki?
Çayları qurutdun
Dənizi içdin
Bu həsrət olmadı
Bu eşq oldu ki...
Eşqin
Hüdudu yox, həddi yox
Bu Vətən oldu ki,
Vətən, ay Vətən
Səni sevməyəcək hər yoldan ötən.

Nisgilim, həsrətim Vətəndi Vətən
Bu boyda günlərim Vətənçün itən
Sən mənim ruhumsan itən, ay Vətən
Səni sevməyəcək hər yoldan ötən.

Bu sevgi olmadı
Bu eşq oldu ki,
Vətən, ay Vətən!