ABŞ İŞİD-ə qarşı quru əməliyyatlarına başlayır

“İŞİD terror qruplaşması ilə mübarizədə vaxtı gələndə quru əməliyyatı da başlayacaq”.

Vətəninfo.az xəbər verir ki, bu sözləri ABŞ prezidenti Barak Obamanın İŞİD-lə qlobal mübarizə üzrə xüsusi nümayəndəsi, təqaüddə olan general Con Allen deyib.

İŞİD-ə qarşı hava əməliyyatlarının ilk nəticələrini verdiyini deyən amerikalı general terror qruplaşmasının neft ticarətinə zərbə vurulduğunu deyib. İlk mərhələ olaraq İŞİD-in Suriya və İraqda irəliləyişinin dayandırıldığını qeyd edən Allen bundan sonrakı mərhələlərdə təşkilatın silah təminatının qarşısının alınacağını, təşkilatla ideoloji olaraq mübarizə aparılacağını bildirib.

İŞİD-ə qarşı bu günə qədər hava əməliyyatlarına üstünlük verildiyini, İraq ordusu və Peşmərgə güclərinə hərbi təlimin davam etdiyini ifadə edən Allen vaxtı gələndə quru başlanılacağını dilə gətirib.