ABŞ səfirliyindən Cəmil Həsənliyə növbəti tapşırıqlar

Vətəninfo.az-ın müxalifətdəki mənbələrdən əldə etdiyi məlumata görə, mayın 27-də Milli Şuranın sədri Cəmil Həsənli ABŞ-ın Azərbaycandakı səfirliyində olub.
Məlumata görə, bir neçə dəqiqə ayaqüstü səfir Robert Sekuta ilə söhbət edən C.Həsənli sonradan səfirliyin məsul işçiləri ilə 2 saat müzakirə aparıb. Mənbə bildirib ki, mayın 30-da Milli Şuranın mitinqi ilə yanaşı, C.Həsənliyə l Avropa Oyunları dövründə bu qurumun fəaliyyəti, keçirəcəyi tədbirlərə dair ciddi tapşırıqlar verilib.  Milli Şuranın sədrinə qarşıdan gələn dövrdə rəhbərlik etdiyi qurumun fəaliyyətini xaricdə Azərbaycan hakimiyyətinə qarşı kampaniya təşkil etmiş mərkəzlərlə əlaqələndirmək göstərişi verilib. C.Həsənli ABŞ səfirliyinin əməkdaşlarına deyib ki, hakimiyyət mitinqlərin daha effektli təşkilini müxtəlif süni maneələr törətməklə əngəlləyir. Milli Şuranın tədbirlərini lazımi səviyyədə təşkil etmək üçün ciddi maliyyə yardımına ehtiyac var.
Mənbə  əlavə edib ki, uzun-uzadı müzakirələrdən sonra Milli Şuranın göstərilən istiqamətlər üzrə fəaliyyətinin təşkili ilə bağlı maliyyə vəsaitinin ayrılması da razılaşdırılıb.

Vətəninfo.az