Çak Norris azərbaycanlı karateçilərin xərclərini öz üzərinə götürdü

Azərbaycan Peşəkar Karate Federasiyasının baş katibi, dünya çempionu Vüsal Abdullazadənin məlumatına görə, dünyanın məhşur aktyor və idmançısı Çak Norris milli komandamıza Amerika Açıq Çempionatında iştirak üçün dəvət göndərib. Və bütün xərcləri öz üzərinə götürüb.
Federasiya rəsmisi həmçinin qeyd edib ki, iyulun 25-də Los-Ancelesdə baş tutacaq bu möhtəşəm turnirdə dünya və Avropa çempionu, 5-ci dan qara kəmər sahibi, Azərbaycan Peşəkar Karate-do Federasiyasının prezidenti Sabir Süleyman özü də yarışa qatılacaq. O, millimizi 75 kq çəki dərəcəsində təmsil edəcək.
Qeyd edək ki, Çak Norris dünyanın məşhur kino aktyoru və idmançısıdır, o Bruce Lee ilə bir neçə filmdə rol alıb. Həmçinin Beynəlxalq Chun Kuk-do Federasiyasının rəhbəridir.

Modern.az