“Araz” ilk qələbəsini qazandı

Qardaş Türkiyənin Ərzurum Şəhərinə təlim məşq toplanışına yollanan qədim Naxçıvanın ölkə çempionatındakı yeganə  təmsilçisi “Araz”dünən ilk yoxlama matçına çıxıb. Əvvəlcə rəqib “Ərzurumspor” olsa da, müəyyən səbəblərdən rəqib dəyişdirilib. Əsgər Abdullayevin yetirmələrinin ilk sparrinq-rəqibi "Yakutiyaspor" komandası olub. Vətəninfo.az-a klubdan verilən məlumatda bildirilir ki, ilk hissədə qapılara qol vurulmasa da 55-ci dəqiqədə Rəhman Musayev fərqlənib. 64-cü dəqiqədə isə komandamızın baxışda olan legioneri Aleksandr Kurtskeviç rəqibin qapısında qol keçirməklə fərqlənməyi bacarıb. Sonrakı dəqiqələrdə hesab dəyişmədiyindən oyun  Naxçıvan təmsilçinin 2:0 hesablı qələbəsi ilə yekunlaşıb.

Vətəninfo.az