Avropa Mərkəzi Bankından dollarla bağlı - Qərar

Avropa Mərkəzi Bankı (AMB) yeni qərarıyla bank depozit dərəcəsini neqativ 0,2 faizdən 0,3 faizə endirib.

Vizual.azxəbər verir ki, bu haqda iqtisadçı-ekspert Vüqar Bayramov Feysbukda yazıb.

"Sözügedən bankın gözlənilməz qərarı sözün həqiqi mənasında valyuta bazarını silkələdi. Belə ki, 1,06 dollara təklif edilən avro artıq 1,093 dollara satılır. Bu cəmi bir gündə avronun 3 faiz bahalaşması deməkdir. Avronun dünya bazarında möhkəmlənməsi manata dollar qarşısında müəyyən "güc” verəcək. Belə ki, avronun dollara nisbətən möhkəmlənməsi milli valyutamızın avroya nisbətən zəifləməsinə, əksinə, dollara nisbətən müqayisəli güclənməsinə səbəb olacaq. Bu baxımdan Azərbaycan Mərkəzi Bankı yenidən son 1 ayda ilkdə dəfə olaraq manatı dollara nisbətən hiss edilən faizlə möhkəmləndirib. Avronun dünya bazarında möhkəmlənməsinin davam edəcəyi halda isə mövcud məzənnə siyasəti çərçivəsində milli valyutamız dollara nisbətən yenidən müqayisəli güclənə bilər”, - ekspert bildirib.