Azərbaycan mədəniyyəti Cənubi Afrikada

Vətəninfo.az  xəbər verir ki, Azərbaycan Respublikasının Cənubi Afrika Respublikasındakı (CAR) səfirliyi fəaliyyət göstərdiyi ölkənin Pretoriya şəhərində Beynəlxalq Əlaqələr və Əməkdaşlıq departamenti, Cənubi Afrikanın Afrika İnstitutu və bir sıra yerli təşkilatlar tərəfindəntəşkil edilən “Afrika Günü” (Africa Day Expo) festivalında ilk dəfə olaraq iştirak edib.

Səfirlikdən verilən məlumata görə, 2010-cu ildən təşkil edilən ənənəvi yarmarkada CAR-da fəaliyyət göstərən yalnız Afrika ölkələrinin diplomatik korpusunun nümayəndələrinə öz ölkələrinin tarixi və mədəniyyətini təqdim etmək şəraiti yaradılır və bu il ilk dəfə olaraq tədbirə Azərbaycan Respublikasının Səfirliyi dəvət edilmişdir. Səfirliyimiz öz növbəsində “CAR-da Azərbaycan Dostları” qeyri-hökumət təşkilatı ilə birlikdə Azərbaycan üçün ayrılmış hissədə ölkəmizin tarixini və müasir dövrünə aid fotoşəkillər, xalçalar, kitablar və mədəniyyətimizi əks etdirən digər əşyaları nümayiş etdirmişdir. Sərgi zamanı ziyarətçilərə Azərbaycan haqda broşur və bukletlər təqdim edilmiş, Heydər Əliyev Forndunun Ermənistan-Azərbaycan, Dağlıq Qarabağ münaqişəsinə və ölkəmizlə bağlı diğər mövzulara həsr edilmiz çap materialı paylanılmışdır.

Aliyə

Vətəninfo.az