Azərbaycandan Amerikaya jest

Azərbaycanın Vaşinqtondakı səfiri Elin Süleymanov Texas ştatına səfər edib və ABŞ-ın sabiq prezidenti ata Corc Buşla görüşüb. Corc Buşun Hyuston şəhərindəki ofisində keçirilən görüşdə səfir Azərbaycanla ABŞ arasında diplomatik münasibətlərin qurulmasının 20 illiyi münasibəti ilə sabiq prezidentə fəxri fərman təqdim edib.

Corc Buş səfirlə söhbətində Azərbaycan-ABŞ münasibətlərinin strateji əhəmiyyət daşıdığını vurğulayıb, Azərbaycanın üçüncü prezidenti Heydər Əliyevlə 2000-ci ildə keçirdiyi görüş xatirələrini bölüşüb.

Bu barədə “Vətəninfo.az” AzərTAc-a istinadən xəbər verir.  

ABŞ-ın 41-ci prezidenti Corc Buş 1989-1993 illərdə hakimiyyətdə olub. Azərbaycanla ABŞ arasında diplomatik münasibətlərin qurulması və Bakıda ABŞ səfirliyinin açılması qərarı onun hakimiyyətdə olduğu dövrdə qəbul edilib.