Azərbaycanlı jurnalist İtaliya mediasında “Bakı 2015”dən yazdı

Diaspor Jurnalistləri Birliyinin İlk Avropa Oyunları ilə bağlı növbəti yazısı İtaliya mediasında dərc olunub.

Vətəninfo.az xəbər verir ki, DJB-nin İdarə Heyətinin  üzvü Əli Zülfüqaroğlu və İtaliya-Azərbaycan Dostluq Cəmiyyətinin sədri Dündar Kesaplının həmmüəllifliyi ilə “Azərbaycan ilk Avropa Oyunlarını qəbul etməyə hazırdır” başlıqlı yazı ingilsdilli “italianinsider.it” saytında yerləşdirilib.

Yazıda ilk Avropa Oyunlarının hər dörd ildən bir keçiriləcəyi qeyd olunur və bu Oyunların birinci dəfə Azərbaycanın qəbul etmək şərəfinə nail olduğu vurğulanır. Məqalədə Azərbaycanda İlk Avropa Oyunları ilə bağlı aparılan hazırlıq işlərindən danışılır. Bildirilir ki, Azərbaycan “Bakı-2015” yarışlarında 6 min idmançını salamlamağa hazırdır. Yazıda İlk Avropa Oyunlarında iştirak edəcək atletlərin 2016-cı il Yay Olimpiya Oyunlarına lisenziya qazanmaq şansının olduğu bildirilir. 

Yazıda “Bakı-2015” Avropa Oyunlarının Əməliyyat Komitəsinin İdman şöbəsinin müdiri Pierce O'Callaghanın fikirlərinə də yer verilib: “Təşkilati nöqteyi-nəzərdən biz hər şeyə hazırıq. Biz bütün görüş yerlərini, idman zallarını yoxlamışıq. Bizim əhval-ruhiyyəmiz çox yüksəkdir. Həyəcanla ilk Avropa Oyunlarının açılış mərasimini gözləyirik”.

Məqaləni ilə bu link vasitəsi ilə oxumaq olar:

http://www.italianinsider.it/?q=node%2F296