“Beşiktaş” erməni futbolçunu transfer edir

Türk klubu Ermənistan Milli Komandasının üzvü Araz Özbilizi heyətinə qatmaq istəyir

Fasilə dövründə heyətini gücləndirmək istəyən Türkiyənin “Beşiktaş” klubu İstanbulda anadan olmasına baxmayaraq, Ermənistan Milli Komandasını seçmiş olan Araz Özbilizi transfer etmək fikirinə düşüb. Publika.Az-ın Türkiyə mətbuatına istinadən verdiyi xəbərə görə, “Ajax” infrastrukturunda yetişmiş və hazırda Rusiyanın “Kuban Krasnador” komandasında forma geyinən Araz Özbiliz baş məşqçi Samet Aybabanın nəzərindən yayınmayıb. Onun oyunu və taktikaları baş məşqçinin diqqətini çəkib.

Klub gənc futbolçunun özü üçün 600 min avro, klubuna isə 750 min avroluq təklif göndərəcəyi bildirilir.

“Qara qartal”ların transfer qrupun gənc futbolçunun bütün məlumatlarını faksla göndərilməsini istəyib və statistik hesabatlarına qədər hər şeyi araşdırdıqları deyilir.