DÇ-2014-ün qrup mərhələsi yekunlaşır

İsveçrə Honduras millisini, Bosniya və Herseqovina isə İranı məğlub edib

Braziliyada keçirilən futbol üzrə XX dünya çempionatının “E” qrupunda mübarizə başa çatıb. Vətəninfo.az xəbər verir ki, Manaus şəhərindəki “Amazoniya” stadionunda Honduras və İsveçrə yığmaları qarşılaşıb.

Argentinalı baş hakim Nestor Pitananın idarə etdiyi görüşdə İsveçrə komandası Honduras millisini 3:0 hesabı ilə məğlub edib.

Rio-de-Janeyro şəhərindəki “Marakana” stadionunda isə Fransa və Ekvador yığmaları qarşılaşıblar. Fil Dişi Sahilindən olan baş hakim Numandyez Duenin idarə etdiyi və qarşılıqlı hücumlar şəraitində keçən görüş 0:0 hesabı ilə heç-heçə başa çatıb.

Dünya Çempionatına ilk dəfə qatılan Bosniya və Herseqovina, İranı 3-1 hesabı ilə məğlub edib.

Vətəninfo.az