Son məlumatlara görə, Hillari Klinton 218, onun Respublikaçı Partiyasından olan rəqibi Donald Tramp isə 274 seçici səsi toplayıb. Beləliklə, Donald Tramp ABŞ-ın 45-ci prezidenti seçilib. Onun qələbəsi artıq rəsmən elan olunub.

Amerikada keçirilən prezident seçkilərində respublikaçıların namizədi Donald Tramp qalib gəldi. Tramp lazım olan 270 səsdən 274 səs alaraq, ABŞ-ın 45-ci prezidenti seçilib. Gözlənilməz olan bu nəticə Amerikadakı ssistemi də baş -ayaq edib. Belə ki, seçkilərin nəticələrinə görə, Respublikaçılar partiyası qanunverici hakimiyytə keçirilən seçkiləri də  udub. 

Yeni prezidentin 70 yaşı var.

Donald Con Tramp 14 iyun 1946-cı ildə Nyu-York şəhərində dünyaya gəlib. 

Tramp iş adamı, siyasətçi, sahibkar və yazar kimi tanınır.

O, Pensilvaniya ştatında Vharton İnstitunun idarəçilik fakültəsini bitirib. Tramp tələbəlik illərindən işləməyə başlayıb. Belə ki, o, atası Fred Trampın əmlak və inşaat firmasında çalışıb. Elə o vaxtdan da otel, qumarxana, qolf sahəsi və s. inşa edib. Bir neçə kitabın müəllifidir. 

Forbes jurnalının hazırladığı dünyanın ən varlı 400 şəxsi siyahısında yer alıb.