Elmar Məmmədyarov həmsədrlərlə görüşəcək

Xarici İşlər Nazirliyinin Mətbuat Xidmətindən “vətəninfo.az”a verilən məlumata görə, Xarici İşlər Naziri Elmar Məmmədyarov Böyük Britaniya və Şimali İrlandiya Birləşmiş Krallığına işgüzar səfərə yola düşüb. Səfər zamanı  Elmar Məmmədyarovun ATƏT-in Minsk qrupunun həmsədrləri və ATƏT-in fəaliyyətdə olan sədrinin şəxsi nümayəndəsi Anjey Kasprşiklə görüşü də nəzərdə tutulur.Məlumatda deyilir ki,  Elmar Məmmədyarov eyni zamanda, Böyük Britaniyanın Avropa Məsələləri üzrə Naziri Devid Lidinqton və Böyük Britaniya Parlamentinin Britaniya-Azərbaycan qrupunun üzvləri ilə də görüşəcək.