İŞİD-in paytaxtı bombalandı

Suriya ordusuna aid döyüş təyyarələri “İslam Dövləti” (İŞİD) terror qruplaşmasının paytaxtı hesab olunan Rakka şəhərinə aviazərbələr endirib.

Publika.az-ın xarici mediaya istinadən verdiyi məlumata görə, hücumda onlarla adam ölüb.

Rakka Yerli Koordinasiya Komitəsindən verilən açıqlamaya görə, Suriya ordusunun döyüş təyyarələri İŞİD-in nəzarətində olan Rakka şəhərinin sənaye bölgəsindəki bazarı və əhalinin sıx olduğu əraziləri bombalayıb. Ümumilikdə, döyüş təyyarələrinin şəhərə 6-dan çox hava hücumu təşkil etdiyi deyilir.

ABŞ-ın liderlik etdiyi koalisiya qüvvələrinin döyüş təyyarələri isə Rakkadakı görmə və eşitmə qüsurlu uşaqların təhsil aldığı bir ibtidai məktəbi bombalayıb. İtkilər haqqında məlumat verilmir.