Komitə: “Bizim belə işçimiz yoxdur”

Özünü Dini Qurumlarla İş üzrə Dövlət Komitəsində məsul katib vəzifəsində çalışan kimi təqdim edən şəxs İrşad Hüseynov bizim işçimiz deyil.

Vizual.az xəbər verir ki, bu fikirlər Dövlət Komitəsinin yaydığı məlumatda öz əksini tapıb. Qurum bildirir ki, Dini Qurumlarla İş üzrə Dövlət Komitəsində sözügedən vəzifə ştatı ümumiyyətlə mövcud deyil. Dövlət Komitəsinin Aparatında, həmçinin, bölgə şöbələrində İrşad Hüseynov adlı şəxs çalışmır.

Qeyd edək ki, ötən gün bəzi elektron xəbər portallarında Bakı şəhəri Qaradağ rayonu Müşfiqabad qəsəbəsində yaşadığını və Dini Qurumlarla İş üzrə Dövlət Komitəsində məsul katib vəzifəsində çalışdığını iddia edən şəxs İrşad Hüseynov barəsində bəzi məlumatlar dərc edilib.

İ.Hüseynov mətbuata təqdim etdiyi yazıda MTN-in Qobustan rayon şöbəsini qəbiristanlığı dağıtmaqda ittiham edirdi.