Ümummilli liderin 90 illiyinə həsr olnmuş tamaşa

Opera və Balet Teatrını mətbuat xidmətindən Vətəninfo.az-a verilən məlumata görə,  aprelin 28-də Azərbaycan Dövlət Akademik Opera və Balet Teatrında dahi bəstəkar Üzeyir Hacıbəylinin “Koroğlu” operasının tamaşası keçiriləcəkdir. Məlum olduğu kimi, “Koroğlu” milli opera sənətimizin incisi, onun ən yüksək zirvəsidir.

Azərbaycan Dövlət Opera və Balet Teatrının kollektivi bu tamaşanı Ümumilli lider Heydər Əliyevin 90 illik yubileyinə həsr etmişdir.

Tamaşada Teatrın ən yaxşı yaradıcı qüvvələri iştirak edəcəkdir. Xalq Artisti Samir Cəfərov Koroğlu, gənc və istedadlı vokalçı İlahə Əfəndiyeva Nigar partiyasını ifa edəcəkdir. Tamaşada həmçinin Azərbaycanın Xalq Artistləri Şahlar Quliyev, Əli Əsgərov, Nəzakət Teymurova, habelə Əməkdar Artistlər Nizami Bağırov, Sabir Əliyev və b. çıxış edəcəklər.

Tamaşanın dirijoru Azərbaycanın Xalq Artisti, professor Cavanşir Cəfərovdur.