“Neftçi” Sumqayıtda, lider autsayderə qarşı - YENİLƏNİR

Bu gün Topaz Premyer Liqasında VI tura yekun vurulacaq. Apasport.az saytının məlumatına görə, 1 gün əvvəl 2 oyunla baş tutan turun 3 qarşılaşması keçiriləcək.

“Xəzər Lənkəran” – “Bakı” oyunu təxirə salındığından tur elə bu 3 oyunla da yekunlaşacaq. Bakıdan kənarda baş tutacaq oyunlarda üçhakimiyyətliliyə son qoyula bilər. Bu turadək vahid lider olan “Simurq” “Kəpəz”lə oyunda qazanacağı xal hesabına zirvənin yeganə sahibi olacaq. Autsayderlə oyunda bunun mümkün olacağı inandırıcıdır.

Çempionatın potensial lideri “Neftçi” isə həmişə böyükhesabla məğlub etdiyi “Sumqayıt”ı səfərdə sınağa çəkəcək. Ev komandası kimi tanınan “Qəbələ” isə növbəti dəfə baş məşqçisini dəyişən digər autsayder “Rəvan”ı qəbul edəcək.

Topaz Premyer Liqası

VI tur

24 sentyabr (bazar ertəsi)

18:00. “Simurq” – “Kəpəz” 

Hakimlər: Orxan Məmmədov, Vaqif Musayev, İsgəndər Əliyev, Feyzulla Feyzullayev

Zaqatala şəhər stadionu

17:00. “Qəbələ” – “Rəvan” 

Hakimlər: Rəhim Həsənov, Nahid Əliyev, Ramiz Əsədov, Fərid Məmmədov

Qəbələ şəhər stadionu

17:00. “Sumqayıt” – “Neftçi” 

Hakimlər: Vüsal Əliyev, Mehman Mahmudov, Azər Əsgərov, Tahir Əhmədov

Mehdi Hüseynzadə adına Sumqayıt şəhər stadionu

Apasport