1. Miq.az
  2. Paşa Talıblı: "Yarana vuruldum, könül"

Paşa Talıblı: "Yarana vuruldum, könül"

Paşa Talıblı:
Tarix: 14.04.2021 21:36
Baxış sayı: 10945

 
Paşa Talıblı

*
...huş lazımdı saxlamağa bir başı!
...huşun varsa daha sənin nə dərdin? 
...gözün varsa, gözün üstdə qapqara
qaşın varsa, daha sənin nə dərdin? 

...minbaşını, yüzbaşını vurmağa,
qaş - gözünü, üz - başını vurmağa, 
...hərdən - hərdən öz başını vurmağa
daşın varsa, daha sənin nə dərdin? 

De, necəsən içindəki çöl ilən? 
...yelnən gələn gedər elə yel ilən! 
...dünya ilən, ölüm ilən, öl ilən
xoşun varsa, daha sənin nə dərdin? 


*
...məni haramdan vurdular
oramdasan, könül yaram! 
...könlümdəsən, könlüm sevən
yaramdasan, könül yaram! 

...ox dəydi, sevər yerindən
yaralandı Bamsı Beyrək! 
...yar alandı, könül yaram,
əynimdəki  qanlı köynək. 

"Könüldən - könülə yollar"...
...düş könüldən min könülə! 
...yarana vuruldum, könül,
bir könüldən min könülə! 

Miq.Az


Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az