Qaçırılan hərbçi geri qaytarıldı (FOTO)

Milli İstihbarat Təşkilatı İŞİD-ə qarşı xüsusi əməliyyat keçirib

Suriya sərhədində qaçırılan Türkiyə ordusunun çavuşu geri qaytarılıb.

Vətəninfo.az xəbər verir ki, bu barədə baş nazir Əhməd Davudoğlu açıqlama verib.

Baş nazir bildirib ki, hərbçinin geri qaytarılması üçün Milli İstihbarat Təşkilatı xüsusi əməliyyat keçirib.

Türkiyənin NTV telekanalının hərbi mənbələrdən əldə etdiyi məlumata görə, çavuş Özgür Örs Türkiyə-Suriya sərhədində İŞİD terrorçu qruplaşması tərəfindən qaçırılmışdı.

Qeyd edək ki, dekabrın 3-də çavuş Ö.Örs Suriyadan Türkiyəyə girmək istəyən bir qrup şəxsi uzaqlaşdırarkən qaçırılmışdı. Ondanheç bir xəbər alınmamışdı. İddia edilirdi ki, onu sərhəddə İŞİD-çilər ələ keçirib.