Qənirə Paşayeva:"Məni itirərsəniz, bir daha əsla bulamazsınız, tapa bilməyəcəksiniz!"

Qənirə Paşayevadan kiçik bir yazı...Ümid edirik ki, xoşunuza gələcək.

"Məni itirərsəniz, bir daha əsla bulamazsınız, tapa bilməyəcəksiniz!"

Su, Atəş və Əxlaq...

Günlərin birində Su, Atəş və Əxlaq dost olub birlikdə vaxt keçirməyi qərar alırlar. Gəzərkən biri-birilərini itirərlərsə necə tapa biləcəklərini söyləməyə başlarlar gəzməyə çıxmazdan əvvəl..

Sudan soruşurlar:" Səni itirsək necə tapa biləcəyik?"

"Harda bir şırıltı duysanız məni orda tapa bilərsiniz"- deyə cavab verir Su.

"Atəşdən soruşurlar:" Səni itirsək necə tapa biləcəyik?"

"Bir tüstü, duman görsəniz bilin ki mən ordayam"-deyə cavab verir Atəş.

Sıra Əxlaqa gəlir. Onun cavabı isə olduqca düşündürücü olur:"Məni itirərsəniz, bir daha əsla bulamazsınız, tapa bilməyəcəksiniz"-deyir Əxlaq.

Gerçəkdən də Əxlaq dünyada itirildikdən sonra insanın tapa bilmədiyi, bulamadığı ən önəmli şeydir və dünyada ən gözəl insan əxlaqlı insandır. 

Peyğəmbərimiz Hz. Məhəmməd ondan "İslam nədir?" deyə soruşulanda belə cavab vermişdi. Gözəl Əxlaq!

Vətəninfo.az