"Çox mısmırıqlı uşaq olmuşam"

Vətəninfo.az Gece.az-a istinadən xəbər verir ki, rejissor atasının rüşvət üstündə işdən qovulduğunu deyir.
 "Çox mısmırıqlı uşaq olmuşam. Üç yaşımda hikkəmdən əmziyimi maşından çölə tullayırdım. Varlı ailədə böyüyən uşaqların əksəriyyəti belə olur. Amma beş yaşımdan sonra belə olmadı. Atamı əvvəl işdən, daha sonra partiya sıralarından çıxardılar. Özü də rüşvət üstündə...
Daha doğrusu, adını belə qoymuşdular ki, guya korrupsiyaya yol verilib. Hərçənd atam çox məsuliyyətli bir insan idi. Çox nizamlı bir həyat tərzi vardı, heç vaxt dilinə içki dəyməmişdi. Vaxtlı-vaxtında işdən-evə - evdən-işə tələsərdi. O vaxt “Pravda” qəzetində, işdən çıxarılandan sonra atamla bağlı böyük bir məqalə də çıxmışdı. Nə isə, o hadisə çox haylı-küylü olmuşdu".