Varis Yolçuyevdən yeni kitab

Vətəninfo.az xəbər verir ki, tanınmış yazar Varis Yolcuyevin yeni “Yolayrıcında azıb qalanlar” kitabı nəşr olunacaq. Yazar kitabda dərc olunacaq əsərindən bir hissəni oxucuları ilə bölüşüb:

“Uzun qış gecələrində qadın xeylağının Rusiyanın sıx meşəsində yiyəsiz yaşamasının qorxu və hürküsünü təsəvvür edə bilərsinizmi?

Birdən damımızın üstündən sanki bir quş pırıltı ilə uçdu. Ardınca da ayı nəriltisi eşidildi. Qızım “Ana, bu nə səsdir, mən qorxuram” deyib mənə sığınanda hiss etdim ki, dizlərim əsir, ayaqlarım yerə pərçimlənib. Özümü toplayaraq birtəhər pəncərəyə yaxınlaşmaq istəyəndə sanki zəlzələ baş verdi, güclü bir zərbədən ev silkələndi. Dəhşətlə çığırmaqda olan qızımı sinəmə sıxıb birtəhər pəncərədən boylanmağa macal tapdım, gördüm ki, nəhəng bir ayı iki ayağı üstə qalxıb pəncələri ilə divara zərbə vurur”

Qeyd edək ki, oxucular kitabı yanvar ayının sonunda əldə edə biləcəklər.