Zaur və Günay açıqlama verəcək

Sentyabırın 25-də ATV telekanalında yayımlanan “Ümid var” verilişində Zaurla Mehriban Xanlarova arasında insident yaşanıb.

Belə ki, bir müddət əvvəl Mehriban xanımın məşhur meyxanaçını kəskin şəkildə ittiham edərək hədələdiyi, hətta üstünə adam göndərib döydürdüyü barədə xəbərlər yayıldı.

Bunu telefon bağlantısı zamanı təsdiqləyən meyxanaçı döyülmə xəbərini inkar etdi.

Efirdəcə etdiklərini etiraf edən Mehriban Xanlarova “Zaur sən bunu istəyirdin? Elə bilirdim mənə böyük hörmətin var. Mən Namiqdən də çox insanın sevimli sənətkarıyam. Bəli, mən ona həddini bildirmişəm, lazım olsa ondan da artığını edəcəm”deyərək studiyanı tərk edib.
Aparıcının onu geri çağırmağına baxmayaraq aktrisa geri dönməyib.

Show.az bildirir ki, sabah saat 14:00-da 106.3 FM radiosunda “Muleyli” verilişində DJ Kazımın qonağı aparıcı Zaur olacaq.

Bugünkü hadisə ilə bağlı geniş açıqlamanı aparıcı radio vasitəsilə edəcək.

Bundan başqa müğənni Günay İbrahimli də ATV-yə qadağa qoymasının yalan olması və digər məsələlər barədə bu verilişdə açıqlama verəcək.