1394 təşkilata 11,5 milyon dollar ayrılıb

Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev Avropa İttifaqı Şərq Tərəfdaşlığı Vətəndaş Cəmiyyəti Forumu idarə heyətinin üzvlərilə görüşüb. Şuradan “Vətəninfo”ya verilən məlumata görə, idarə heyətinə Şərqi və Qərbi Avropa, eləcə də postsovet ölkələri vətəndaş cəmiyyətlərinin aparıcı QHT nümayəndələri daxildir. Görüşdə 10-dək ölkənin QHT təmsilçisi iştirak edib. A.Quliyev qonqlara ölkə QHT-lərinin ümumi inkişaf istiqamətləri, Şuranın formalaşması və fəaliyyət prinsipləri haqqında ətraflı məlumat verərək bildirib ki, artıq beşinci ildir Şura ölkə QHT-lərinin institusional inkişafına hərtərəfli dəstək verir, keçirdiyi maliyyə yardımı müsabiqələrində isə indiyədək 1394 təşkilata 11,5 mln ABŞ dolları həcmində vəsait ayırıb. Qonaqlar AVRONEST Parlament Assambleyasının Azərbaycanda keçən sessiyasındakı səmərəli müzakirələrdən məmnun qaldıqlarını və tədbirin bütövlükdə Azərbaycan və üzv ölkələr üçün vacib əhəmiyyət daşıdığını deyiblər. Görüşdə Polşa, İsveç, Ukrayna, Belarus, Gürcüstan və başqa ölkələrin təmsilçiləri çıxış edərək, QHT sektorundakı çətinliklərlə bağlı məsələlərin hökumətlə müzakirəsində Şuranın daha böyük fəallıq göstərməsinin vacibliyini qeyd ediblər.

Əli