Ağ Ev İrandan ümidini üzüb

ABŞ-ın vitse-prezidenti Co Baydenin sözlərinə görə, İranla nüvə sazişinin əldə olunması şansı 50 faizdən də aşağıdır, amma buna baxmayaraq yenə də cüzi də olsa şans var.

Vətəninfo.az-ın məlumatına görə, Vaşinqtodakı Brukinqs İntitutunda Yaxın Şərq forumunda danışan cənab Bayden deyib ki, Ağ Ev İranın nüvə silahı istehsal etməsinə imkan verməyəcək və bu mövzu heç zaman müzakirə mövzusu ola bilməz.

O, əlavə edib ki, nüvə proqramına görə tətbiq edilən sanksiyaların İran iqtisadiyyatına ciddi zərbə vurduğuna görə, İran danışıqlarda mülayimlik göstərə başlayıb.

Ancaq onun sözlərinə görə, Konqresin bəzi üzvlərinin əlavə yeni sanksiyaların tətbiqi barədə təzyiqinə baxmayaraq, hazırki mərhələdə bunun bütün dünyaya mənfi təsiri olacağını düşünür.