Avropa Məhkəməsinin qərarlarının həyata keçirilməsinə diqqət yetirilir

Avropa İnsan Hüquqları  Məhkəməsinin Məhkəmə qərarlarının icrası şöbəsinin rəhbəri Özgur Dermanı və sektor müdiri İrene Kitsou Milonas Ombudsan Aparatında olublar. Ombudsman Aparatından “Vətəninfo”ya verilən məlumata görə, İnsan Hüquqları üzrə Müvəkkil Elmira Süleymanova qonaqları maraqlandıran məsələlər barədə danışıb, geniş fikir müadiləsi aparılıb. Müvəkkil qonaqlara Ombudsmanın mandatı, insan hüquqlarının müdafiəsi üzrə fəaliyyətinin əsas istiqamətləri, gördüyü işlər haqqında ətraflı məlumat verib. Ö.Dermanın Avropa Məhkəməsinin qərarlarının Azərbaycanda tətbiqində Ombudsmanın rolu ilə bağlı sualına cavab olaraq qeyd edilib ki, Müvəkkil fəaliyyətində beynəlxalq sənədlərin müddəaları ilə yanaşı, Avropa Məhkəməsinin ölkəmizlə  bağlı qərarlarının həyata keçirilməsinə diqqət yetirir. Müvəkkil Diffamasiyaya görə cinayət məsuliyyətinin aradan qaldırılması məqsədilə qanunvericiliyin təkmilləşdirilməsi ilə bağlı təkliflə çıxış etdiyini, sözügedən məsələ üzrə müddəanın Azərbaycan Respublikasında İnsan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramında öz əksini tapdığını diqqətə çatdırıb.

Əli