Aydın Mirzəzadə: «Emənistanın Azərbaycana vurduğu ziyanın həcmi kifayət qədər böyükdür»

«Azərbaycan Dağlıq Qarabağ məsələsində prinsipial mövqeyini axıra qədər müdafiə edəcək. Ermənistan heç bir zaman nə torpaqlarımızın onlara güzəştə gedilməsinə, nə də digər məsələlərə güzəşt gözləməsin». Bu fikiləri «Vətəninfo»ya açıqlamasında Yeni Azərbaycan Partiyasının (YAP) Siyasi Şurasının üzvü, millət vəkili Aydın Mirzəzadə səsləndirib. Onun sözlərinə görə, bu gün Ermənistana bütün istiqamətlərdə ciddi təzyiq edilir: «Azərbaycanın iqtisadi, diplomatik və hərbi faktoru bu gün Ermənistan üçün böyük narahatlıq doğurur. O, cümlədən Emənistanın Azərbaycana vurduğu ziyanın həcminin hesablanması istiqamətində də Azərbaycan iqtisadçıları böyük işlər görüblər. Bu həcm kifayət qədər böyükdür. Ermənistan bilməlidir ki, Azərbaycan torpaqları işğaldan azad edilməsinə nail olacaq, öz itkilərini Ermənistandan soracaq. Ermənistan Azərbaycana qarşı iddiasında heç zaman qələbə çala bilməyəcək».

Firudin