“AzərRos”un qurultayına Azərbaycan hakimiyyəti dəvət olunmadı - EKSKLÜZİV

Yanvarın 25-də Moskvada yerləşən "Prezident" otelində “AzərRos” Federal Milli-Mədəni Muxtariyyatının növbəti qurultayı keçiriləcək. Vətəninfo.az-ın əldə etdiyi məlumata görə, sözü gedən qurultaya Azərbaycan hakimiyyətindən heç kəs dəvət edilməyib. 

Qeyd edək ki, qurultay zamanı Abbas Abbasovun “AzərRos” Federal Milli-Mədəni Muxtariyyatının prezidenti seçilməsi nəzərdə tutulub. Qurultayda Söyün Sadıqovla yanaşı bir sıra tanınmış şəxslər, o cümlədən Azərbaycan Ziyalılar Forumunun təsisçilərindən olan yazıçı, kino xadimi Rüstəm İbrahimbəyov, Rusiya Prezident Administrasiyası rəhbərinin iki nəfər müavini və digər rəsmi şəxslər iştirak edəcəklər. Qurultaya fəxri qonaq kimi dəvət olunan şəxslər arasında, “Rusiya Erməniləri İttifaqı” Ümumrusiya İctimai Təşkilatının prezidenti Ara Abramyan da var.

Həsən Həsənov

Vətəninfo.az