Hadisə Maştağa qəsəbəsi 2-ci Albalılıq sahəsində bağ evlərindən birində qeydə alınıb.

Orada gözətçi işləyən 1994-cü il təvəllüdlü Vüqar Əlizadə münaqişə zəminində həmyerlisi, 1993-cü il təvəllüdlü Kamran Quliyev tərəfindən bıçaqlanıb. Vüqar Əlizadə hadisə yerində dünyasını dəyişib.

Hadisəni törədən Kamran Quliyev könüllü olaraq 14-cü polis bölməsinə gələrək təslim olub. Hadisənin pul üstündə baş verdiyi bildirilir.

Faktla bağlı Sabunçu rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb./Teleqraf.com/