Bakıda maşın ana-balanı öldürdü

Qaradağ rayonunun Sahil qəsəbəsi ərazisində yol-nəqliyyat hadisəsi olub.

Daxili İşlər Nazirliyinin mətbuat xidmətindən Milli.Az-a verilən məlumata görə, sentyabrın 24-də saat 07.45 radələrində Qaradağ rayonunun Sahil qəsəbəsi ərazisində, Hacıqabul şəhər sakini Emin Quliyev "Mercedes E-220" markalı avtomaşını idarə edərkən yolu keçən qəsəbə sakinləri Maya İbrahimovanı və onun qızı Zinyəti vurub. 

Nəticədə M.İbrahimova hadisə yerində, Zinyət isə xəstəxanaya aparılarkən yolda ölüb.