Bakıda TIR-la minik maşını toqquşub, 2 nəfər ölüb

Bakıda TIR-la minik maşını toqquşub, 2 nəfər ölüb
Bakıda TIR-la minik maşını toqquşub, 2 nəfər ölüb.

"Report"un məlumatına görə, hadisə dekabrın 15-də paytaxtın Səbail rayonu ərazisində qeydə alınıb.

Belə ki, 1996-cı il təvəllüdlü Behbudov Vasif Murad oğlu idarə etdiyi "VAZ-2107" markalı avtomobilinin idarəetməsini itirərək İran vətəndaşı, 1985-ci il təvəllüdlü Nazari Çiqlan Cabir oğlunun idarə etdiyi TIR markalı yük avtomobilinin arxasına çırpıb.

Nəticədə sürücü Vasif Behbudov və həmin avtomobilin ön sərnişin oturacağında olan, hələlik şəxsiyyəti müəyyən edilməmiş kişi cinsli sərnişin ölüb, digər 2 nəfər kişi cinsli sərnişinlər isə müxtəlif dərəcəli ağır bədən xəsarətləri alaraq xəstəxanaya yerləşdiriliblər.

Faktla bağlı Səbail Rayon Polis İdarəsində Cinayət Məcəlləsinin 263.3-cü (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi açılıb, istintaq aparılır.



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az