Corc Buşa-QADAĞA

Sabiq ABŞ prezidenti Venezuelaya gede bilməyəcək

Vətəninfo.az xəbər verir ki. Venezuela prezidenti Nikolas Maduro,  ölkəsindəki Amerikalı diplomatların sayına müəyyən hədlərin qoyulması ilə bağlı qərar qəbul edəcək.

Maduro Amerikalı diplomatların vəziyyətinin araşdırılması və saylarının azaldılması ilə bağlı təlimat verdiyini də qeyd edib. Məlumata görə,Venezuela gəlmək istəyən ABŞ vətəndaşlarından viza tələb olunacaq və bəzi siyasətçilərin ölkəyə girişi qadağan ediləcək. Maduro qeyd edib ki,  ABŞ ölkəsinin daxili işlərinə qarışdığından belə bir qərarı qəbul etmək məcburiyətində qalıb. Nikolas Maduro  vurğulayıb ki, ABŞ-ın ölkəsində 100 diplomatı olmasına baxmayaraq Venezuelanın isə ABŞ-da cəmi 17 diplomatı var. Maduro ABŞ vətəndaşlarından Amerikanın Venezuela vətəndaşlarından tələb etdiyi qədər viza zərci alacağını da bildirib.

Məlumata görə, Venezuelanın ölkəyə girişini qadağan etdiyi siyasətçilər arasında ABŞ-ın sabiq prezideti Corc Buş, sabiq Senatın xarici əlaqələr komitəsi sədri Bob Menendez ,sabiq  vitse president Dik Ceniy və sabiq Filorida Əyalət Məclisinin sədri Marko Rubio da var.
Qeyd edək ki, ötən ay ABŞ insan haqlarının qorunmaması və  korrupsiyada ittiham etdiyi bəzi Venezueladan olan  rəsmilərin ölkəyə girişinə məhdudiyyətlərin qoyulması ilə bağlı qərar qəbul etmişdi.

Vətəninfo.az