Dünya şöhrətli aktrisa mükafatlandırılacaq

Dünya şöhrətli aktrisa Keyt Blanşett kino sahəsindəki nailiyyətlərinə görə mükafatlandırılacaq.

AZƏRTAC buro247.com saytına istinadla xəbər verir ki, "Oskar" laureatı olan aktrisa Keyt Blanşett Nyu-Yorkun Müasir İncəsənət Muzeyinin (MoMA) xüsusi mükafatına layiq görülüb. Bu il 80 illik yubileyini qeyd edən MoMA-nın kino departamenti K.Blaşnetti kino sənətində əldə etdiyi nailiyyətlərə görə mükafatlandıracaq. Mükafatlandırma mərasimi noyabrın 17-də muzey binasında keçiriləcək.

Qeyd edək ki, Nyu-York muzeyinin kino departamentində bütün dünyadan 30 mindən çox film qorunub saxlanır. Kolleksiyada K.Blanşettin çəkildiyi "Yaxşı alman", "Aviator", "Hobbit: Gözlənilməz səyahət" kimi filmlər də var.

Vətəninfo.az