ABŞ istənilən an Çinə nüvə bombası ata bilər. İstiPress-in Rusiya mətbuatına istinadla verdiyi məlumata görə, bunu ABŞ Hərbi Dəniz Qüvvələrinin admiralı, Sakit Okean donanmasının komandanı Skot Svift deyib. Onun sözlərinə görə, hərbçilər heç vaxt Amerika Ordusunun baş komandanına olan etibarlarını şübhə altına almayacaqlar. 

O, ABŞ və Avstraliya arasındakı birgə təlimdən sonra təhlükəsizlik konfransında çıxış edib. Admiral prezidentə sadiqliklərini də gözlənilməz şəkildə ifadə edib. 

Auditoriyadan verilən "əgər gələn həftə Tramp Çinə nüvə bombası atmağı əmr edərsə admiral və tabeliyində olanr bunu icra edəcək?" sualına Sviftin cavabı müsbət olub. O, deyib ki, hərbçilər bunu Amerika prezidentinin ilk tələbindəcə edəcəklər. 

"Bu Amerika demokrataiyası üçün əsas məqamdır. Biz hamımız and içmişik. Hərbçilər heç zaman baş komandana onların sadiqliyindən şübhələnmək imkanı verməyəcək". 

Qeyd edək ki, birgə təlimlər iki il davam edib və orada 36 hərbi gəmi, o cümlədən aviadaaşıyıcı "Ronald Reyqan", 220 təyyarə və 33 min hərbçi iştirak edib.  

Bir neçə gün öncə ABŞ-ın Mərkəzi Kəşfiyyat İdarəsinin rəhbəri Mayk Pompeo Çini ölkəsi üçün əsas təhlükə hesab etdiyini açıqlamışdı. BUna səbəb isə Çinin dayanıqlı iqtisadiyyatı və artan hərbi gücüdür.