Alabama ştatından olan 29 yaşlı gənc oğlan Ren Lu Yu ona qız tapan şəxsə 10 min dollar verəcəyini deyib.
 Harvard Biznes məktəbini bitirən Ren işləmək üçün İngiltərəyə köçüb. O, 12 ay ərzində vaxtını bir çox görüşlərə sərf edib. Özünün dediyi kimi görüşlərdən bəzisi maraqlı, bəzisi darıxdırıcı, bəzisi isə qəribə olub. Lakin günlərin birində Ren vaxtını hədər itirdiyini düşünməyə başlayıb. Onun üçün də, Ren pul müqabilində tanışlığa üstünlük verir. O, sosial şəbəkədə öz niyyəti haqda yazaraq deyib: "Əgər siz məni qızla tanış etsəniz və mən o qızla 6 ay müddətində görüşsəm, sizə 10 min dollar ödəyəcəyəm”. Bircə şərt ondan ibarətdir ki, mükafatı qazanmaq istəyən qızın özü olmamalıdır.

O, öz hərəkətini bununla izah edib: "Əgər siz günün 12 saatını işləyirsinizsə, o zaman yerdə qalan saatlarınızı nəyə sərf etmək istərdiniz?” Ren öz izahatında bildirib ki, o, vaxtını boş-boşuna tanışlıqlara sərf etmək istəmir və evlənmək üçün sona qədər bir yerdə qala biləcəyi qızın axtarışındadır.