Ərdoğanla Bayden arasında gizli görüş

Türkiyənin Suriyaya hərbi müdaxilə etməsi və etibarlı bölgənin qurulması barədə müzakirələr getdiyi bir zamanda Prezident Rəcəb Tayyib Ərdoğanla ABŞ-ın vitse-prezidenti Cozef Bayden arasında gizli telefon danışığı olub.

Vətəninfo.az Moderator.az-a istinadla  xəbər verir ki, bu barədə Türkiyənin “Hürriyət” qəzeti yazıb. Qəzetin əldə etdiyi məlumata görə, telefon danışığı iyunun 30-da baş tutub.
Lakin görüşün detalları barədə ictimaiyyətə heç bir açıqlama verilməyib.
Obama Administrasiyasına yaxın bir mənbə qəzetə açıqlamasında ABŞ-ın Türkiyənin Suriyaya müdaxiləsi ilə bağlı qayğılarını çatdırdığını bildirib.