“Ermənistan və Rusiyanı minlərlə tel bağlayır”

“Kreml hesab edir ki, Putinin Yerevana səfəri Türkiyəylə əməkdaşlığa zərər vura bilməz”.

Vətəninfo.az RİA-ya istinadən xəbər verir ki, bunu, Rusiya prezidentinin mətbuat katibi Dmitri Peskov bildirib.

Kreml rəsmisi bildirib ki, Vladimir Putin “erməni soyqırımı”nın 100 illiyinə həsr edilmiş anım mərasimində iştirak etmək üçün Ermənistana baş tutacaq səfəri "Türk axını" qaz kəmərinin tikintisinə və Moskvan-Ankara münasibətlərinə təsir edə bilməz:

"Bizim Türkiyə ilə çox sıx tərəfdaşlıq münasibətlərimiz və qarşılıqlı iqtisadi əməkdaşlığın çox möhkəm bazası var. Bir çox dünya problemlərində mövqelərimiz üst-üstə düşür. Məhz buna görə də Putinin İrəvana səfəri Türkiyə-Rusiya münasibətlərinə və qaz kəmərinin tikintisinə təsir etməyəcək”.

Mətbuat katibi həmçinin vurğulayıb ki, Ermənistan və Rusiyanı minlərlə müxtəlif tellər bağlayır.