İmişli sakinləri ayağa qalxdı

Hazırda İmişli rayonunun Bəcrəvan-Ağcüyür kəndinin 50-yə yaxın sakini rayon İcra Hakimiyyətinin qarşısına yığılıb etiraz aksiyası keçirirlər. Bu barədə XezerNews.az-a sakinlərdən bir neçəsi məlumat verib.

Məlumata görə, aksiya keçirən sakinlər kənd bələdiyyəsinin sədri Məmi Atakişiyevin istefasını tələb edirlər. Sakinlər deyir ki, M.Atakişiyev kənd ərazisində əhalinin gediş-gəlişi üçün nəzərdə tutulan keçidi söküb öz fermasına aparmaq istəyir. Sakinlər həmin keçidin sökülməməsi üçün bir neçə gündür ki, gözətçi dayandıqlarını bildirirlər. 

İmişli rayon İcra Hakimiyyətinin başçısı Vilyam Hacıyev isə etiraz edən sakinləri hələ ki, qəbul etməyib. Əksinə, icra başçısı yerli polisə tapşırıq verib ki, aksiya dağıdılsın. Hazırda aksiya davam edir. 

Veteninfo.az