“İran səfirini Bakıdan qovmaq lazımdır”

“Tehran Bakını gey-paradın keçirilməsi ilə ittiham edir, amma əgər gey-parad keçiriləcəksə, elə İranda keçiriləcək”.

“Veteninfo.az”ın məlumatına görə, bu fikirləri Milli Məclisin bu gün keçirilən iclasında Bütöv Azərbaycan Xalq Cəbhəsi Partiyasının sədri Qüdrət Həsənquliyev bildirib:
“İranda bir dövlət rəsmisi demişdi ki, qızların 25 faizindən çoxu sulu qəlyan çəkir, həm də əksəri ailə həyatı qurana qədər “ailə həyatı” yaşayır. Belələrinin Azərbaycana əxlaq dərsi keçməyə haqqı yoxdur. Deyirlər ki, İran səfiri Azərbaycanı tərk edib. Əslində İranın səfirini qovmaq lazımdır”.