İŞİD Yaponiyaya 24 saat vaxt verdi

İŞİD yaraqlıları Yaponiya hökumətinə bu ölkənin vətəndaşı Kenzi Qotonun azad edilməsi üçün irəli sürdüyü tələbin icrasına 24 saat vaxt verib, əks halda o, qətlə yetiriləcək.

Vətəninfo.az xəbər verir ki, bu barədə Kyodo informasiya agentliyi məlumat yayıb.

İŞİD-in növbəti ultimatumu barədə internetdə yerləşdirilmiş son videoyazıda K.Qotonun özü məlumat verib. Hazırda videonun həqiqiliyinin dəqiqləşdirilməsi prosesi gedir.

İŞİD yaraqlıları yapon girovun və İordaniya hərbi-hava qüvvələrinə məxsus təyyarəçinin əvəzində bu ölkənin türmələrində saxlanan 27 terrorçunun azad edilməsi tələbini irəli sürüblər.