Küveytdəki neftayırma zavodunda yanğın baş verib

Küveytin KUNA agentliyinin verdiyi məlumata görə, Küveyt Milli Neft Şirkətinə məxsus neftayırma zavodunun bir blokunda yanğın baş verib.

Ölkə paytaxtından 50 km məsafədə, Şueyba sənaye zonasında yerləşən bu müəssisə Küveytin ən iri neftayırma zavodlarından biridir.

Məlumatda bildirilir ki, yerli vaxtla saat 11:30-da başlanmış yanğının söndürülməsi üçün bütün zəruri tədbirlər görülüb. Hadisə yerində yanğınsöndürənlər işləyir. Zavodun bütün işçiləri təxliyə edilib, müəssisənin bütün bölmələri müvəqqəti bağlanıb.

Qeyd edilir ki, yanğın nəticəsində zərər çəkən olmayıb.