Millət vəkili Elxan Süleymanov uşaqları təbrik etdi

Şamaxının millət vəkili Elxan Süleymanov balacaları və təqaüd verdiyi tələbələri təbrik edib.

Yanvarın 29-da Şamaxının millət vəkili Elxan Süleymanov  rayonun 22 uşaq bağçasında tərbiyə alan  1140 balacaya yeni ilsovqatları hədiyyə edib. Şamaxı şəhərinin 3 saylı uşaq bağçasında millət vəkili uşaqları yeni il münasibəti ilə şəxsən təbrik edib.

Elxan Süleymanov Şamaxıdakı qərargahında təqaüd verdiyi 35 nəfərlə görüşüb, onları təbrik edib. Görüşdə Sabir və Şirvani müsabiqəsinin qalibləri, 2011 və 2012-ci illərdə Şamaxı rayonu üzrə 600 baldan çox bal toplayan tələbələr iştirak ediblər.

Qeyd edək ki, Şamaxının millət vəkili Dünya azərbaycanlılarının həmrəylik günü və 2013-cü ilin gəlişi münasibətilə həmçinin Şamaxı rayonunda yaşayan 166 qəhrəman anaya, 70 şəhid ailəsinə və 36 Böyük Vətən müharibasi veteranına da bayram sovqatı verib.