Millət vəkili senator Rodney Ellislə görüşüb

ABŞ-da səfərdə olan millət vəkili Qənirə PaşayevaTexas Ştatında olub. Türkidilli Ölkələrin Böyük İpək Yolu Festivalı çərçivəsində Texasda senator Rodney Ellisle görüşüb.
 “Vətəninfo.az”  xəbər verir ki,  Bakı ilə Hyustonun qardaş şəhərlər olduğunu deyən Senator Rodney Ellis ABŞ ilə Azərbaycan arasında bütün sahələrdə əlaqələrin və əməkdaşlığın getdikcə  artdığını və bu əməkdaşlığın daha da genişlənəcəyinə əmin olduğunu deyib. 
Millət vəkili Qənirə Paşayeva isə  Azərbaycan ilə ABŞ  arasında əlaqələrin və əməkdaşlığın getdikcə  artmasından məmunluğunu ifadə edərək, parlamentlərarası əlaqələrin də daha da inkişaf etdirilməsinin vacibliyini vurğulayıb.
 Millət vəkili Azərbaycanda görülən işlər,  həyata  keçirilən proqramlar barədə qonağa məlumat verib.
Millət vəkili  həmçinin,  Azərbaycanın tarixi, mədəniyyəti,  Qarabağ  həqiqətləri  ilə  də  bağlı  Rodney Ellisə məlumatlar verib və fikir mübadiləsi aparılıb.