Müsavatçı fəalın həbs olunduğu deyilir

Aprelin 7-də saxlanılan Müsavat partiyası Gənclər Təşkilatının iki üzvündən biri Elnur Əsgərliyə 11 sutka həbs verildiyi,adının çəkilməsini istəməyən digər partiya üzvü isə 51 manat cərimə olunaraq sərbəst buraxılıb. “vətəninfo.az”ın Azadlıq Radiosuna istinadən verdiyi məlumata görə, bunu Müsavatın başqan müavini Gülağa Aslanlı bildirib.Məlumatda deyilir ki, Elnur Əsgərli səhər saatlarında Binəqədi rayonu ərazisində İctimai Palatanın 8 aprel mitinqi ilə bağlı vərəqə paylayarkən saxlanılıb.Partiyanın Gənclər Təşkilatının sədr müavini Səxavət Soltanlının sözlərinə görə, polisdə onlara 8 aprel mitinqinin icazəli aksiya olmasından xəbərsiz olduqlarını deyiblər.

Binəqədi polis idarəsi məlumatı təsdiqləmir. Daxili İşlər Nazirliyinin mətbuat xidmətindən isə AzadlıqRadiosuna deyiblər ki, məlumatı dəqiqləşdirməyə çalışırlar.