Partiyalara maliyyə dəstəyi nəyə əsasən verilir?

“Vətəninfo.az”a partiyalara edilən maliyyə dəstəyi haqqında danışan  YAP təmsilçisi, deputat Aydın Mirzəzadə bunları bildirdi:

“Partiyalara maliyyə yardımı Parlamentdə təmsilçiliyə görə verilir. Qanunda göstərildiyi kimi partiyalar deputatlarının sayına görə bu yardımı alır. Partiyalar öz maliyyə məsələlərini ilk öncə üzvlük haqqından həll edir. Dövlət tərəfindən maliyyə yardımı əlavə vəsait kimi götürülür. Bu gün bir deputat yeri olan partiya belə 1 il erzində 100 000 manatdan çox maliyyə yardım ala bilir. Bu 1 aya 10 000 manat deməkdir. Baxmayaraq ki, Yeni Azərbaycan Partiyasının 70-dan çox deputatı var. Lakin bu gün YAP 1 deputatı olan partiyadan cəmi 10 dəfə çox maliyyə yardımı ala bilir. Əgər deputatların sayı artarsa, o zaman maliyyə yardımının miqdarı da çox olar. Əsas diqqəti dövlətdən alınan yardıma deyil,  əsas diqqəti cəmiyyətdə işlərin aparılmasına, sponsorların tapılmasına, üzvülük haqqının toplanmasına ayırmaq lazımdır. Bir sözlə dövlətdən alınan yardım həm siyasi partiya sisteminin möhkəmlənməsinə, partiyaların maddi durumunun yaxşılaşdırılmasına  xidmət edəcək.  Vəsaitin bölünməsi isə qanunda göstərildiyi kimi həyata keçiriləcək”