Prezidentin təyyarəsinə paytaxta enməyə icazə vermədilər

Dünən hərbçilər tərəfindən devrildiyi məlumatı verilən Burundi prezidenti Pyer Nkurunzizaya vətənə qayıtmağa icazə verməyiblər.

Vətəninfo.az  Avropa.info-ya istinadla  xəbər verir ki, hərbçilər onu istefa verməyə məcbur edirlər. Bu haqda Burundi prezidentinin səfərdə olduğu Tanzaniya respublikasının rəsmisi deyib.
Paytaxt Bujumburuya uçan prezident təyyarəsi geri qayıtmalı olub. Hakimiyyət çevrilişi xəbəri çıxan kimi onun təhlükəsiz enişinə təminat verməyiblər.
Nkurunzizanın hakimiyyətdən uzaqlaşdırılması məlumatını sabiq kəşfiyyat naziri, general Qoudfroyd Niyombare yaymışdı. Açıqlama Pyer Nkurunzizanın Tanzaniyaya uçmasından bir neçə saat sonra yayılmışdı.
Burundi prezidentinin üçüncü dəfə prezident seçilmək istəyi ölkədə çaxnaşmalar yaratmışdı. Bu müddətdə onlarla adam həlak olub.