"MİLYARDERLƏR İTTİFAQI"NA ZƏRBƏ

“Veteninfo.az” “pia.az”a istinadən xəbər verir ki, Azərbaycanda istehsal olunan West, Kent, Winston siqaretlərinin satışı ilə məşğul olan firmaların ekspeditorları Bakıdakı siqaret satışı ilə məşğul olan bütün marketləri gəzərək, onlardan Rusiya istehsalı olan "Danone"süd məhsulları satıb-satmamaqları ilə maraqlanıblar. 

 Siqaret firmalarının nümayəndələri marketlərə bildirmişdilər ki, bundan sonra "Danone" süd məhsulları satan marketlərə West, Kent, Winston siqaretləri satılmayacaq. Gələn nümayəndələr təkidlə Rusiya istehsalı olan bu məhsulların yığışdırılmasını tələb etmişdilər. Bu tələbə məhəl qoymayan marketlərə isə adı çəkilən siqaretlər satılmamışdı.

Dünən yenidən, bu dəfə   West, Kent, Winston satan firmaların satış müdürləri market və topdansatış mağazalarını gəzərək "Danone" məhsullarını satmağı qadağan ediblər. Bir daha  marketlərə hədə- qorxu gələrək "Danone"dən imtina etməyən mağaza sahiblərinə satış üçün siqaret verilməyəcəyini deyiblər.