“Rafiq Tağıya da təminat vermişdilər, həbsdən çıxan kimi öldürüldü”

Azərbaycan Beynəlxalq Universitetinin sabiq rektoru Elşad Abdullayevin Azərbaycan Respublikasının Prezidenti cənab İlham Əliyevə müraciətini nəzərə alaraq qardaşı Mahir Abdullayevin 13 oktyabr 2003-cü il tarixdə itkin düşməsi və digər faktlarla bağlı istintaq olunan cinayət işi üzrə Baş prokurorun qərarı ilə Baş Prokurorluğun nəzdində tam yeni tərkibdə istintaq-əməliyyat qrupu yaradılmış və qrupa rəhbərlik Baş prokurorun böyük köməkçisi Elmar Camalova həvalə edib.

Bu barədə “Qafqazinfo”ya Baş Prokurorluğun mətbuat xidmətindən məlumat verilib. Eyni zamanda “Cinayət prosesində iştirak edən şəxslərin dövlət müdafiəsi haqqında” 11 dekabr 1998-ci il tarixli Azərbaycan Respublikasının Qanununa müvafiq olaraq E.Abdullayevin Azərbaycan Respublikasına gəldiyi təqdirdə qeyd olunan cinayət işi üzrə zərərçəkmiş şəxs kimi şəxsi təhlükəsizliyi təmin ediləcəkdir.

Məsələ ilə bağlı “Vətəninfo.az” açıqlama verən E. Abdullayevin vəkili Adil İsmayılov bildirib ki, Baş Prokurorluğun verdiyi təminata inandırıcı deyil:

“Baş prokuror bir dəfə belə təminat verib, mərhum Rafiq Tağını həbs edib istintaq təcridxanasına salmışdı, ordan çıxandan sora Rafiq Tağı öldürüldü”.