Rusiya prezidenti Moskvada Sarkisyana inanılmaz təklif edib

Ermənistan hökumətinin yeni addımı bu ölkədən Rusiyaya köçü xeyli sürətləndirəcək.

Vətəninfo.az ANS PRESS-ə istinadla xəbər verir ki, Serjin komandası xaricdə işləyən ölkə vətəndaşlarından, xüsusilə də tikinti sektorunda işləyənlərdən 13%-lik xüsusi vergi tutmağı qərara alıb.
Ermənistan maliyyə nazirinin müavini Vaxtanq Mirumyanın bildirib ki, məsələ ilə bağlı Rusiyanın razılığı alınıb. Bu açıqlama erməni jurnalistlərini Rusiyanın əleyhinə şərhlər yazmağa yönəldib.
“Belə görünür ki, Ermənistan həmişə olduğu kimi Rusiyadan pul istəyib. Putin də Sarkisyana Rusiyada işləyən əmək miqrantlarından vergi tutmağı məsləhət verib”,- deyə tanınmış erməni şərhçi Naira Hayrumyan bildirir.
Həmin miqrantlar artıq Rusiyaya vergi verirlər. Təbii ki, bu cür ikiqat vergiyə hər əmək miqrantı dözə bilməyəcək və birdəfəlik Rusiya vətəndaşlığına keçmək istəyəcəklər. Hazırda 2,9 milyon adamın qeydiyyatda olduğu Ermənistanın 840 min vətəndaşı Rusiyada əmək miqrantıdır. Böyük ehtimalla yeni qanunun tətbiqindən sonra erməni miqrantlarının böyük əksəriyəti Rusiya vətəndaşlığına keçmək istəyəcək.